- 94 -

1330. Nov. 17. Liegnitz.

Herzog Boleslaus verleiht der Stadt, als Geschenk des Abtes Johann von Lebus, 7 Mark von der Badstube nächst dem Bischofhofe.

In nomine domini amen. Ne ea, que sub tempore disponuhtur, vna cum temporalibus in obliuionum tenebris suffocentur, congruum esse videbitur et consentaneum racioni, vt testium fidorum litterarumque patrocinio roborentur, dehinc est, quod nos Bolezlaus dei gracia dux Slesie et dominus in Legnicz vniuersis, tam presentibus quam venturis, quorum presencie presentes exibite fuerint, volumus esse notum, quod in nostra presencia constitutus reuerendus vir dominus Johannes abbas Lubensis, bona sui corporis valitudine, libro arbitrio, sano sui conuentus consilio et consensu, nemine reclamante, dedit et assignauit circumspectis viris et fidelibus nostris magistro ciuium in Legnicz et consulibus ibidem, tam presentibus quam ipsis in posterum succedentibus, nomine ciuitatis, septem marcas census super stupa balnei circa curiam episcopalem super flumine Kaczbach situata et super vectigacione vasorum, quod vulgariter scrotamecht dicitur, singulis annis libere et in perpetuum possidendum, tollendum, vendendum, alienandum, commutandum et in suos vsus, prout vtilius videbitur, conuertendum. Ea videlicet sub condicione, vt bona seu redditus, quos presumptus abbas et suus conuentus in ciuitate vel foris ciuitatem Ligniczensem iam dictam, sub forma priuilegiorum ciuitatis ejusdem, prout nunc se habere valeant, demonstrare, ab omni exaccione, contribucione, monetalibus et aliis quibusqunque donacionibus vna cum pretacta ciuitate dandis, sint libera in perpetuum et exempta. Nos vero eidem resignacioni prenotati census benignius annuentes contulimus predictis nostris fidelibus magistro ciuium et consulibus nostre iam tacte ciuitatis Ligniczensis et ipsis successoribus nostre ciuitatis prefatum septem marcarum censum sub predicta condicione in perpetuum possidendum vt autem prenarrata firma et inuiolata perpetue valeant permanere, presentes confici jussimus nostri sigilli munimine consignatas. Datum et actum in Legnicz sabbato proximo post diem beati Martini, anno domini M°C°C°C° tricesimo, presentibus testibus subnotatis videlicet Borutha, seniore de Stachow, Stephano de Parchewicz, Theoderico de Predil, Jeskone de Berndorf, militibus, Johanne Rimberg, Ranfoldo de Schiltberg et Nicolao nostre curie notario, qui presentes habuit in commisso.

O. d. St. L. No. 38. Das Siegel, wie zuvor, doch ohne Rücksiegel. — Altes Privilegb. p. 19 b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866